वीरगंज । मधेस प्रदेश सरकारका उद्योग तथा पर्यटन मन्त्री बसन्त कुशवाहाले हैजा महामारीको सन्दर्भमा नारायणी अस्पताल पुगेर अनुगमन गर्नुभएको छ । अस्पताल प्रशासन, मेसु तथा बिरामीहरूसँग भेटघाट एवं छलफल गर्दै उहाँले वस्तुस्थितिबारे जानकारी लिनुका साथै प्रदेश सरकारले औषधि तथा जनशक्ति सहयोगलाई प्राथमिकतामा राखी निरन्तरता दिने प्रतिबद्धता व्यक्त गर्नुभयो।
यससँगै, भारतीय पर्यटकहरुले भन्सार नाकामा भोग्नुपरेका समस्या तथा जनगुनासोलाई मध्यनजर गर्दै मन्त्री कुशवाहाले शनिबार बिहान शंकराचार्यद्वार भन्सार नाकाको समेत अनुगमन गर्नुभयो । भन्सार प्रक्रिया, सवारी साधन इन्ट्रीलगायत विषयमा सम्बन्धित पक्षसँग छलफल गर्दै उहाँले भारतीय पर्यटकहरूसँग प्रत्यक्ष संवाद गर्नुभएको थियो ।
प्रदेश सरकार सीमा नाकालाई पर्यटकमैत्री बनाउन प्रतिबद्ध रहेको बताउँदै मन्त्री कुशवाहाले गत हप्ता विर्तामाेड बोर्डरको पनि अनुगमन गरिएको जानकारी दिनुभयो।
शनिबारकाे कार्यक्रममा जनमत पार्टी पर्साका अध्यक्ष ओमप्रकाश सरार्फ, वीरगंज महानगर अध्यक्ष महादेव शर्मा, स्थानीय अगुवा लगायतको सहभागिता रहेको थियो ।
