वीरगंज । वीरगंज महानगरपालिकामा फैलिएको हैजा नियन्त्रण र सचेतना अभिवृद्धिका उद्देश्यले लिटिल बड्डी प्री-स्कुलले विशेष जनचेतनामूलक कार्यक्रम सम्पन्न गरेको छ।
शुक्रबार विद्यालयका शिक्षकहरूको टोलीले वीरगंज–८ पानीटंकीका घर–घरमा पुगेर सरसफाइसम्बन्धी गतिविधि सञ्चालन गर्दै खानेपानी उमालेर पिउनु, साबुन पानीले हात धुने, सफा खाना खाने तथा वरिपरिको वातावरण स्वच्छ राख्ने जस्ता व्यवहारिक अभ्यासलाई प्रोत्साहन गरेका थिए ।
विद्यालय एक साताका लागि बन्द भए पनि पुनः सञ्चालनसँगै जनचेतना अभियानलाई प्राथमिकता दिइएको प्रिन्सिपल विजय कुमार बलले जानकारी दिए । उनले भने, “हैजा नियन्त्रणका लागि समुदायमा सचेतना फैलाउनु अत्यन्त जरुरी छ, र हाम्रो यो प्रयास निरन्तर रहनेछ।”
वीरगंज महानगरकाकाे विभिन्न वडामा देखिकाे हैजा संक्रमण नियन्त्रणकाे लागि यस्ता कार्यक्रमले सहयाेग पुग्ने विद्यालयले विश्वास व्यक्त गरेको छ ।
