वीरगंज । मानवसेवा आश्रम वीरगंज शाखाले वारा जिल्लाको जितपुर–सिमरा उपमहानगरपालिका–१८ बडहर्वा चोकबाट एक बेवारिसे महिलालाई उद्धार गरेको छ । सोमबार दिउँसो करिब २:३० बजे उद्धार गरिएको सो महिला मानसिक रूपमा कमजोर अवस्थामा थिइन् ।
अन्दाजी ४० वर्षकी ती महिलाले आफूलाई नाएदा खातुन भने पनि ठेगाना प्रस्ट बताउन नसकेको आश्रमले जनाएको छ । उद्धारपछि उनलाई आश्रममा लगेर सरसफाइ, नुहाइधुहाइ गरी डा. भरत गोईज्यूको निगरानीमा औषधोपचार गरिने बताइएको छ ।
उद्धार कार्यमा मानवसेवा आश्रम वीरगंजका संस्थापक अभियन्ता देवेश गुप्ता, अभिभावक–सामाजिक अभियन्ता प्रकाश थारु, संयोजक मुना मगर, स्वयंसेवक सरोज बिक, दिपेन्द्र चौधरी, प्रहरी चौकी जैतापुरका हवलदार बब्लु सिंह, वडा अध्यक्ष चतुर बाबु वाग्ले र स्थानीय व्यक्तित्वहरूको सहभागिता रहेको थियो ।
