सर्लाही । सर्लाहीको बलरा नगरपालिकाका मेयर रामाशंकर कुशवाहाले स्वास्थ्य तथा जनसंख्या मन्त्री प्रदीप पौडेलसँग शिष्टाचार भेट गरेका छन्।
भेटका क्रममा बलरा नगरवासीको लामो प्रतीक्षा र चाहनालाई ध्यानमा राख्दै नगर अस्पतालको थप स्तरोन्नति सम्बन्धी विषयमा गहन र सार्थक छलफल गरिएको मेयर कुशवाहाले जानकारी दिए । उनका अनुसार विशेषगरी अस्पतालको भौतिक पूर्वाधार सुदृढीकरण, दक्ष जनशक्ति व्यवस्थापन, अत्याधुनिक मेडिकल उपकरणको व्यवस्था तथा औषधी आपूर्ति प्रणालीमा सुधार गर्ने विषयमा विस्तृत कुराकानी भएको छ।
मन्त्री पौडेलले बलरा नगरपालिकाको स्वास्थ्य क्षेत्र सुधारका लागि सहकार्य गर्न स्पष्ट प्रतिबद्धता जनाउनु भएको मेयर कुशवाहाले बताए । उहाँको सकारात्मक दृष्टिकोण, दूरदर्शी सोच र सहयोगी भावनाले बलरा नगरवासीलाई आशावादी बनाएको पनि मेयर कुशवाहाले बताए ।
मेयर कुशवाहाका अनुसार अब बलरा नगरअस्पताललाई थप आत्मनिर्भर, व्यवस्थित र गुणस्तरीय स्वास्थ्य सेवा उपलब्ध गराउने दृढ संकल्पसहित नगरपालिकाले अगाडि बढ्नेछ।
