वीरगञ्ज । मधेश फाउण्डेशन नेपालले वीरगञ्ज–१३ स्थित राधेमाई मन्दिरको प्राङ्गणमा तीज विशेष सांस्कृतिक कार्यक्रम आयोजना गरेको छ । संस्थाकी अध्यक्ष श्रीमती पिंकी यादवको अध्यक्षतामा कार्यक्रम उद्घाटन गर्दै रात्री सांस्कृतिक तथा झाँकी प्रस्तुति सुरु गरिएको थियो ।
कार्यक्रममा वडा नं. १३ का वडा अध्यक्ष हिरा गिरी प्रमुख अतिथिका रूपमा सहभागी भएका थिए । सो अवसरमा मन्दिर सञ्चालकज्यू, समाजसेवी विशेष साह, युवा नेता पावन यादवलगायतको उपस्थिति रहेको थियो ।
तीज पर्वको अवसरमा आयोजना गरिएको यस कार्यक्रममा विभिन्न सांस्कृतिक झाँकी, नृत्य तथा स्थानीय कलाकारहरूको प्रस्तुति देखाइएको थियो । आयोजक संस्थाले यस्ता कार्यक्रमले सांस्कृतिक एकता, परम्परा र सामाजिक सद्भावलाई प्रवर्द्धन गर्ने विश्वास व्यक्त गरेको छ ।
