वीरगंज । पूर्ण ब्रह्म कविर उपासक समाज, नेपाल, पर्साको आयोजनामा पर्सागढी नगरपालिका–०३ सिर्जना टोल एरिया, साझेदारी वनमा ३ हजार बिरुवा रोप्ने कार्यक्रम सम्पन्न भएकाे छ ।
परम पूज्य तत्वदर्शी संत रामपाल महाराजको सानिध्यमा आयोजित यस कार्यक्रमअन्तर्गत वातावरण सन्तुलन र मानव कल्याणको लागि “बोट बिरुवा लगाऔं र संरक्षण गरौं” अभियानलाई अघि बढाइएको छ । कार्यक्रममा साझेदारी वनका पूर्व अध्यक्ष लखन लाल शाह र पर्सागढी नगरपालिकाका पूर्व अध्यक्ष सत्नरायण चौधरीको समेत उपस्थिती रहेको थियो।
पूर्ण ब्रह्म कविर उपासक समाज नेपाल, पर्साका संयोजक नरेश प्रसाद पंडितले कार्यक्रमको उद्देश्य र वृक्षारोपणको महत्वबारे जानकारी दिए । सहभागीहरूद्वारा वृक्षारोपणको काम उत्साहपूर्वक सम्पन्न गरिएको र भविष्यमा पनि नियमित रूपमा वातावरण संरक्षण कार्यक्रम सञ्चालन गरिने बताइएको छ ।
