वीरगंज । आर्मी ब्यारेक नजिकै अवस्थित वीरगंज सिटी मार्केटका विभिन्न पसलहरूले संयुक्त रूपमा मानव सेवा आश्रम वीरगंजलाई हाफ पाइन्ट र टि–सर्ट सहयोग गरेका छन्।
आश्रमका बसेकाहरुकाे लागि लक्षित उक्त सहयोग सामग्री वीरगंज सिटी मार्केटका व्यवसायी बिक्की सर्राफले मानव सेवा आश्रम वीरगंजका दिवेश गुप्ता र प्रकाश थारुलाई हस्तान्तरण गरेका हुन् ।
सहयोग अभियानमा सहभागी सबै पसलहरूलाई आश्रमका गुप्ताले धन्यवाद व्यक्त गरे । साथै, सहयोग समन्वयमा महत्वपूर्ण भूमिका निर्वाह गरेका बिक्की सर्राफप्रति उनले आश्रमकाे तर्फबाट आभार समेत प्रकट गरे ।
मानव सेवा आश्रमले यस्ता सहयोगले आश्रित व्यक्तिहरूको जीवनस्तर उकास्न प्रेरणा मिल्ने भन्दै सबै योगदानकर्ताहरूप्रति आभार व्यक्त गरेको छ।
