कलैया । आम जनता पार्टी निकट आम दलित मोर्चा बारा जिल्ला पदाधिकारी बैठक मंगलबार कलैयामा सम्पन्न भएको छ।
बैठक आम दलित मोर्चाका केन्द्रीय सदस्य गणेश रामको अध्यक्षतामा तथा आम दलित मोर्चाका केन्द्रीय अध्यक्ष ठागा दासको विशेष उपस्थितिमा सम्पन्न भएको हो।
बैठकले संगठनलाई विशेष रूपमा विस्तार गर्ने रणनीति अगाडि बढाउने निर्णय गरेको छ । साथै, निकट भविष्यमै जिल्ला स्तरको भेला गर्ने तयारी थाल्ने निष्कर्ष पनि निकालिएको छ ।
बैठकमा सहभागी नेताहरूले दलित समुदायको हक–अधिकार र सशक्तिकरणका लागि एकताबद्ध भएर अघि बढ्नुपर्नेमा जोड दिएका थिए ।
