Date
मङ्ल, मंसिर १, २०८३
Tue, November 17, 2026

वीरगंज १६ मा हरियाली अभियान, निशुल्क बिरुवा वितरण

spot_img
spot_img

वीरगंज । वीरगंज महानगरपालिका–१६, नगवामा मंगलबारदेखि रुख–बिरुवा संरक्षण र समुदायलाई हरियाली अभियानमा उत्प्रेरित गर्ने उद्देश्यले विशेष अभियानको शुभारम्भ गरिएको छ।

यस अभियान अन्तर्गत स्थानीय बासिन्दालाई फलफूल, छायाँ दिने तथा औषधीय गुणयुक्त विभिन्न प्रजातिका बिरुवा निशुल्क वितरण गरिएको वडा कार्यालयले जनाएको छ। अभियानले वातावरण संरक्षण, प्रदूषण न्यूनीकरण र हरियाली प्रवर्द्धनमा योगदान पुर्‍याउने लक्ष्य लिएको हो।

जनमत पार्टी पर्साका अध्यक्ष तथा युवा नेता ओम प्रकाश सरार्फले स्थानीयलाई बिरुवा वितरण गर्दै अभियानको उद्घाटन गरेका थिए। उनले वातावरणीय सन्तुलन कायम राख्न बिरुवा रोपेर मात्र नभई यसको संरक्षणमा पनि सबैले जिम्मेवारीपूर्वक भूमिका खेल्नुपर्नेमा जोड दिए।

कार्यक्रममा सहभागी स्थानीयहरूले आफ्ना घर आँगन, विद्यालय, मठ–मन्दिर तथा सार्वजनिक स्थलमा बिरुवा रोप्ने प्रतिबद्धता जनाएका छन्। साथै, वडा नं. १६ कार्यालय परिसरमै नागरिकले लिन सक्ने गरी विभिन्न किसिमका बिरुवा राखिएको छ।

कार्यक्रममा वन पैदावर आपूर्ति समितिका अध्यक्ष श्याम शंकर चौरसिया, जनमत पार्टीका केन्द्रीय सदस्य विद्यालाल प्रसाद, क्षेत्र नं. १(ख) संयोजक डा. मनोज सरार्फ, प्रदेश सदस्य शिव यादव, जिल्ला सदस्य सहनवाज राकी, युवा वरिष्ठ उपाध्यक्ष धिरेन्द्र पन्जियार, कोषाध्यक्ष सिकेन्द्र राम, महानगर युवा संयोजक संजय सिंह, महानगर सचिव लोकेश कर्ण, युवा नेता संजय सरार्फ लगायतको उपस्थिति रहेको थियो।

अध्यक्ष सरार्फका अनुसार वन डिभिजन कार्यालय पर्साबाट उपलब्ध गराइएका बिरुवा घर–घर र टोल–टोलमै पुर्‍याई वीरगञ्जलाई हराभरा बनाउने लक्ष्य राखिएको छ।

अभियानले वीरगञ्जवासीमा हरियाली संरक्षणप्रति सचेतना बढाउँदै भविष्यमा स्वस्थ वातावरण निर्माणमा सहयोग पुर्‍याउने अपेक्षा गरिएको छ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...

छठका दिन घाट क्षेत्रमा माछा–मासु र मदिरा बिक्री तथा सेवन गर्न नपाइने

वीरगञ्ज । छठ पर्वलाई सुरक्षित, सभ्य र मर्यादित रूपमा सम्पन्न गर्न जिल्ला प्रशासन कार्यालय पर्साले पटका, आतिसबाजी तथा विस्फोटकजन्य पदार्थको ओसारपसार, बिक्री वितरण र...