वीरगञ्ज । राष्ट्रिय स्वतन्त्र पार्टी (रास्वपा) पर्सा क्षेत्र नं. १ र २ का क्षेत्रीय सभापतिमा क्रमशः राम सुन्दर आर्य र फैयाज मिया चयन भएका छन्।
बुधबार वीरगञ्जको गेटवे होटलमा सम्पन्न क्षेत्रीय भेलाले क्षेत्र नं. १ मा आर्यको अध्यक्षतामा ७ सदस्यीय समिति गठन गरेको छ। समितिमा उपसभापति पम्फा गिरि र श्याम बाबू गुप्ता, सचिव कासिम मिया तथा सदस्यहरू रामहरी उपाध्याय, बबिता कुमारी धोबी र नन्दन बानियाँ रहेका छन्।
त्यस्तै, क्षेत्र नं. २ मा फैयाज मियाको अध्यक्षतामा गठित क्षेत्रीय समितिको उपसभापति परितोश द्विबेदी र शान्ति ढकाल, सचिव किशन साह तथा सदस्यहरू विजय कुमार यादव, अमित शाह र प्रमोद कुमार उपाध्याय चयन भएका छन्।
रास्वपा पर्साका सभापति हरि पन्तले छिट्टै बाँकी रहेका क्षेत्र नं. ३ र ४ का समितिहरू पुनःगठन गरी चारै क्षेत्रलाई पूर्णता दिने बताए । उनले जिल्लाका शिक्षित र बौद्धिक वर्गको रास्वपाप्रति आकर्षण तीव्र भइरहेको उल्लेख गरे ।
