वीरगञ्ज । मिटरब्याजको अवैध गतिविधि रोक्न माग गर्दै किसान मजदुर आन्दोलन पर्साले भदौ १ गते वीरगञ्जको घण्टाघरमा आन्दोलन गर्ने भएको छ ।
- Advertisement -
मजदुर आन्दोलन पर्साका अध्यक्ष कृष्ण ठाकुरको अध्यक्षतामा बुधबार सम्पन्न कार्यसमितिको बैठकले आन्दोलनसँगै जिल्ला सम्मेलन पनि गर्ने निर्णय गरेको हो। वीरगञ्जस्थित रानिसती अतिथिसदनमा बसेको बैठकमा केन्द्रिय पदाधिकारी विशाल क्षेत्रीको विशेष उपस्थिती रहेको थियो।
बैठकले मिटरब्याज साहुहरूको मनपरी र शोषणविरुद्ध संगठित आन्दोलन गर्न सबैलाई आह्वान गरेको मजदुर आन्दोलन पर्साका सचिव रामानन्द चौहानले जानकारी दिए ।
