वीरगंज । किसानलाई समयमा मल–खाद उपलब्ध गराउने र मल–खाद छिनछोर बन्द गर्ने उद्देश्यले आम जनता पार्टी फेटा गाउँपालिकाको बैठक सम्पन्न भएको छ।
- Advertisement -
फेटा पार्टी इन्चार्ज अमिका साहको अध्यक्षता तथा पार्टी मधेश प्रदेश अध्यक्ष उमेश कुशवाहाको विशेष उपस्थितिमा भएको बैठकमा किसानका समस्या समाधानका लागि ठोस पहल गर्ने प्रतिबद्धता व्यक्त गरिएको छ।
बैठकले फेटा गाउँपालिका कमिटी पुनर्गठन गर्ने निर्णयसँगै बिजुली र पानी कर फ्री गर्नका लागि संघर्ष गर्ने रणनीति तय गरेको पार्टीले जनाएको छ।
पार्टीका नेताहरुले किसानका लागि समयमै मल–खाद आपूर्ति सुनिश्चित गर्न सरकारलाई दबाब दिने र आवश्यक परे आन्दोलनमा उत्रिने चेतावनी दिएका छन्।
