Date
मङ्ल, मंसिर १, २०८३
Tue, November 17, 2026

वीरगंज–१४ बौद्धीमाई टोलमा महिनौँदेखि खानेपानी संकट

spot_img
spot_img

वीरगंज । वीरगंज महानगरका अधिकांश क्षेत्रमा डिप बोरिङ जडान गरेर खानेपानीको समस्या समाधान भए पनि वीरगंज–१४ पिपरा क्षेत्रअन्तर्गत पर्ने बौद्धीमाई टोलमा भने महिनौँ बित्दा पनि समस्या यथावत रहेकाे छ । धार्मिक स्थल बौद्धीमाई मन्दिर र नयाँ वसती रहेको यो क्षेत्रमा पानीको अभावले दर्जनौँ घरपरिवार निरन्तर त्रस्त बनेका छन् ।

स्थानियका अनुसार खाना पकाउने, नुहाउनेदेखि दैनिक कर्मकाण्डसम्म गर्न समस्या हुने गरी यहाँको पानीको कमी चर्को छ । सयौँको संख्यामा मानिसहरू दिनहुँ दिउँसो मन्दिर परिसरमा बस्ने गर्छन्, तर तिर्खा मेटाउनका लागि मिनरल वाटर पसलबाट किन्ने वा ५०० मिटर टाढा गएर बोतलमा पानी ल्याउनु पर्ने बाध्यता छ ।

मन्दिरका पुजारी र टोलबासीले खानेपानी मन्त्रीको राधेमाईस्थित निवासमा समस्या राखेका थिए । वार्ड समितिमा पनि जानकारी गराइएको छ । तर अहिलेसम्म यहाँ डिप बोरिङ जडान गरेर समस्या समाधान गर्ने काम भएको छैन ।

वार्ड कार्यालयको पहलमा वीरगंज महानगरपालिकाबाट कहिले दिउँसो २ बजे त कहिले बिहान ८ बजे पानी ट्यांकर ल्याएर वा ट्यांकीमार्फत घर–घरमा पानी आपूर्ति गर्ने गरिएको छ । तर यो व्यवस्था अनियमित र अस्थायी भएको कारण स्थानीयमा असन्तुष्टि बढेको स्थानिय नेता अनिल पटेलले जानकारी दिए ।

पानीको कमीका कारण मन्दिरमा पूजा–पाठ गर्न आउने भक्तजन समेत असुविधामा परेको बौद्धीमाई टोलका बासिन्दाहरूले बताएका छन् । स्थानीयले चाँडै स्थायी समाधान गर्न महानगर र सम्बन्धित निकायलाई आग्रह गरेका छन्।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...

छठका दिन घाट क्षेत्रमा माछा–मासु र मदिरा बिक्री तथा सेवन गर्न नपाइने

वीरगञ्ज । छठ पर्वलाई सुरक्षित, सभ्य र मर्यादित रूपमा सम्पन्न गर्न जिल्ला प्रशासन कार्यालय पर्साले पटका, आतिसबाजी तथा विस्फोटकजन्य पदार्थको ओसारपसार, बिक्री वितरण र...