Date
मङ्ल, मंसिर १, २०८३
Tue, November 17, 2026

पर्सामा चार वर्षमा ६७ जना हुन्डी कारोबारमा पक्राउ

करिब पाँच करोड नगद बरामद

spot_img
spot_img

वीरगंज । पर्सा प्रहरीले गत असार १७ गते एकैदिन वीरगंजका विभिन्न स्थानबाट स्रोत नखुलेको ठूलो रकमसहित तीन जनालाई पक्राउ गरेको छ । पक्राउ पर्नेमा पर्साको पकाहामैनपुर गाउँपालिका–२ का २६ वर्षीय अनिलकुमार वर्णवाल, वीरगन्ज–३ आदर्शटोलका २३ वर्षीय विनितकुमार श्रीवास्तव र बाराको परवानीपुर गाउँपालिका–४ का ४४ वर्षीय दीपकप्रसाद सोनार रहेका छन् ।

प्रहरीका अनुसार मकालु चोकमा वर्णवालको कालो ब्यागभित्र ९ लाख ४७ हजार रुपैयाँ फेला परेको थियो । कृषि विकास बैंक लिंकरोडमा श्रीवास्तवको कालो ब्यागभित्र १५ लाख ८१ हजार रुपैयाँ बरामद भयो । यस्तै, वीरगन्ज–१६ रजतजयन्ती चोकमा ना.१६ प २३२८ नम्बरको मोटरसाइकलमा सवार सोनारबाट ३ लाख रुपैयाँ बरामद गरिएको पर्साका प्रहरी नायब उपरीक्षक (डीएसपी) किशोर लम्सालले जानकारी दिए ।

डीएसपी लम्सालका अनुसार पक्राउ परेकामाथि मुलुकी अपराध संहिता, २०७४ को दफा १२५ (क) बमोजिम ‘हुन्डीसम्बन्धी कारोबार गर्न नहुने’ कसुरमा पर्सा जिल्ला अदालतबाट ५ दिनको म्याद थप गरी अनुसन्धान भइरहेको छ।

प्रहरी तथ्यांकअनुसार पर्सामा पछिल्लो चार आर्थिक वर्षमा अवैध तथा वित्तीय (हुन्डी) कारोबारमा ६७ जना पक्राउ परेका छन्। तीमध्ये ४६ जनाविरुद्ध मुद्दा दर्ता भएको छ । उनीहरूको साथबाट चार करोड ८६ लाख ७८ हजार ६ सय २० रुपैयाँ बरामद भएको छ।

डीएसपी लम्सालका अनुसार हुन्डी कारोबार विदेशी मुद्राको अवैध लेनदेन र कर छलीमा संलग्न हुने भएकाले यसले मुलुकको आर्थिक प्रणालीमा नकारात्मक असर पारिरहेको छ, जसलाई नियन्त्रणका लागि प्रहरीको निगरानी बढाइएको छ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...

छठका दिन घाट क्षेत्रमा माछा–मासु र मदिरा बिक्री तथा सेवन गर्न नपाइने

वीरगञ्ज । छठ पर्वलाई सुरक्षित, सभ्य र मर्यादित रूपमा सम्पन्न गर्न जिल्ला प्रशासन कार्यालय पर्साले पटका, आतिसबाजी तथा विस्फोटकजन्य पदार्थको ओसारपसार, बिक्री वितरण र...