Date
मङ्ल, मंसिर १, २०८३
Tue, November 17, 2026

आदर्शनगर रंगशालाको संयोजकमा खेतान नियुक्त

spot_img
spot_img

वीरगंज । वीरगंज महानगरपालिका–१० स्थित आदर्शनगर रंगशालाको संरक्षण, सम्वर्द्धन, मर्मत–सम्भार तथा प्रभावकारी सञ्चालनका लागि गोपाल प्रसाद खेतानलाई संयोजकको जिम्मेवारी प्रदान गरिएको छ ।

वीरगंज महानगर प्रमुख राजेशमान सिंहद्वारा हस्ताक्षरित पत्रमार्फत खेतानको नियुक्ति गरिएको हो । पत्रमा उल्लेख भएअनुसार, खेतानले विगतमा रंगशालाको व्यवस्थापन तथा संरक्षणमा पुर्‍याएको योगदानलाई मध्यनजर गर्दै उनलाई यो जिम्मेवारी दिइएको हो ।

महानगरले अब रंगशालालाई विशुद्ध खेलकुद क्षेत्रको वृत्ति विकास र स्तरोन्नयनमा केन्द्रित गर्ने नीति लिएको छ । सोही नीति कार्यान्वयनमा सघाउ पुगोस् भनेर खेतानको संयोजकका रूपमा नियुक्ति गरिएको बताइएको छ ।

खेतानले रंगशालाको समग्र समन्वय, आवश्यक मर्मत–सम्भार, व्यवस्थापन तथा स्थानीय खेल गतिविधिलाई प्रोत्साहन गर्ने कार्यमा आफ्नो अनुभव, सिप र दक्षता प्रयोग गर्ने अपेक्षा गरिएको छ ।

महानगर प्रमुख सिंहले खेतानको सफल कार्यकालको शुभकामना दिँदै ईमान्दारिता र लगनशीलताका साथ दायित्व निर्वाह गर्न आग्रह गरेका छन् ।

आदर्शनगर रंगशाला वीरगंजको एक महत्वपूर्ण खेल संरचना हो, जहाँ विभिन्न खेल तथा कार्यक्रमहरू सञ्चालन हुँदै आएका छन् । पछिल्ला केही वर्षमा यसको संरक्षण तथा स्तरोन्नतिको माग बलियो रूपमा उठ्दै आएको थियो।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...

छठका दिन घाट क्षेत्रमा माछा–मासु र मदिरा बिक्री तथा सेवन गर्न नपाइने

वीरगञ्ज । छठ पर्वलाई सुरक्षित, सभ्य र मर्यादित रूपमा सम्पन्न गर्न जिल्ला प्रशासन कार्यालय पर्साले पटका, आतिसबाजी तथा विस्फोटकजन्य पदार्थको ओसारपसार, बिक्री वितरण र...