वीरगंज । मध्य नेपाल सन्देश साप्ताहिकले आफ्नो प्रकाशनको १०औं वार्षिकोत्सवको अवसरमा पत्रिकाका नियमित स्तम्भकार तथा पत्रकारहरूलाई सम्मान गर्ने निर्णय गरेको छ । बुधबार बसेको मध्य नेपाल मिडिया सञ्चालक समितिको बैठकले यो निर्णय गरेको हो।
सम्मानित हुने पत्रिकाकाे स्थापनाकालदेखि सञ्चालनमा रहेको सुशासनमूलक स्तम्भ ‘खोजी जवाफदेहिताको’ का स्तम्भकार।शिवनाथ प्रसाद यादव, विगत एक दशकदेखि महिला सशक्तिकरणका विषयमा कलम चलाउँदै आएकी स्तम्भकार गिता भण्डारी र मधेश प्रदेशकी वरिष्ठ पत्रकार तथा नेपाल पत्रकार महासंघ धनुषा शाखाकी पूर्वअध्यक्ष मनिका झा रहेकी छन् । झा दुई दशकदेखि विभिन्न सञ्चारमाध्यममा क्रियाशील रहँदै आएकी छिन् ।
कार्यक्रमको माध्यमबाट साप्ताहिकले पत्रकारिता र विचार अभिव्यक्तिमा योगदान पुर्याउने व्यक्तिहरूको योगदानको कदर गर्ने जनाइएको छ।
साप्ताहिकका सम्पादकद्वारा जारी विज्ञप्तिमा भनिएको छ “दश वर्षे यात्रामा निरन्तर साथ दिँदै आएका स्तम्भकार तथा पत्रकारहरू हाम्रो प्रेरणा हुन्। यो सम्मान उनीहरूको योगदानप्रति कृतज्ञताको सानो प्रतीक हो।”
कार्यक्रम चाँडै आयोजना गरिने बताइएको छ, जसमा सञ्चार क्षेत्रका विभिन्न विशिष्ट व्यक्तित्वहरूको उपस्थिति रहनेछ।
