वीरगंज । नेपाल अडिटर्स एशोसिएशन (अडान) पर्साको आयोजनामा मंगलबार २०औं अडान दिवस भव्य र सभ्य रूपमा सम्पन्न भएको छ । दिवसको अवसरमा लेखापरीक्षकहरू वीरगंजकाे घण्टाघरमा भेला भई “अडान दिवस” लेखिएको ब्यानरसहित आदर्शनगर, घडिअर्वा, माईस्थान परिक्रमा गर्दै पुनः घण्टाघरमा फर्किएर प्रभातफेरी सम्पन्न गरेका हुन् ।
अडान पर्साका अध्यक्ष गजेन्द्र मान सिंहको अध्यक्षतामा भएकाे काेण सभालाई अडानका केन्द्रीय सदस्य दिनानाथ रौनियार, डा. सन्तोष कुमार गुप्ता लगायतकाले सम्बोधन गरेका थिए।
कार्यक्रममा मधेश प्रदेश अडानका उपाध्यक्ष हृदय मोहनलाल दास, अडान पर्साका पूर्व अध्यक्ष प्रदुम्न प्रसाद सेढाई, पदाधिकारी प्रेमचन्द्र चौरसिया, रामबाबु साह, तथा सदस्यहरू श्याम नारायण श्रेष्ठ, रोशन श्रेष्ठ, अरुण कुमार बर्मा, अनिल कुमार कर्ण, जयन्त चौरसिया लगायत लेखापरीक्षक उमेशचन्द्र यादव, श्याम ठाकुर, किशोर गुप्ता, दीपक उपाध्याय, प्रेम उपाध्याय, बैजनाथ साह तथा लेखा सहयोगीहरूको उल्लेखनीय उपस्थिति रहेको थियो ।
दिवसकै अवसरमा साउन ९ गते वीरगंजस्थित श्री नेपाल राष्ट्रिय आधारभुत विद्यालय भिस्वाका ५१ जना विद्यार्थीहरूलाई स्टेशनरी सामग्री वितरण गरिएको अडान पर्साका काेषाध्यक्ष रामबाबु साहले जानकारी दिए । कार्यक्रमको सञ्चालन अडान पर्साका सचिव कुलोत्तम पोखरेलले गरेका थिए ।
