वीरगंज । रोट्र्याक्ट क्लब अफ वीरगंज मेट्रोपोलिसको नवौं पदस्थापन तथा सम्मान समारोह शनिबार एक भव्य समारोहबीच वीरगंजमा सम्पन्न भएको छ ।
वीरगंजस्थित बीपीसी अडिटोरियम, बीआईएम भवनमा भएकाे कार्यक्रमकाे उद्घाटन रोटेरियन संजय जोसीले गरेका थिए । कार्यक्रममा क्लबका नव निर्वाचित अध्यक्ष दिपु कुमार वर्णवाल सहित नयाँ कार्यसमितिको औपचारिक रुपमा पदस्थापन गरिएको थियो । नवौं कार्यकाल (२०२४/२५) का लागि नवगठित समितिलाई पद तथा गोपनीयताको शपथ गराउँदै क्लबका पुराना पदाधिकारीहरूले शुभकामना व्यक्त गरेका थिए ।
समारोहमा क्लबले विगत वर्षका उत्कृष्ट सदस्यहरू तथा समाजसेवामा योगदान पु¥याउने विभिन्न क्षेत्रका व्यक्तिहरूलाई सम्मानसमेत गरेको थियो । कार्यक्रममा क्लबका अध्यक्ष वर्णवालले आगामी वर्ष क्लबले गर्ने सेवा कार्यहरूबारे प्रकाश पार्दै सबैलाई सहकार्य र साथको अपील गरे ।
कार्यक्रममा जिल्ला प्रहरी कार्यालय पर्साका प्रमुख प्रहरी उपरिक्षक गाैतम मिश्र, जनमत पार्टी पर्साका अध्यक्ष ओमप्रकाश सर्राफ, प्याब्सन वीरगंजका अध्यक्ष राहुल श्रीवास्तव, वीरगंज जेसिसका अध्यक्ष सराेज चाैरसिया, वीरगंज मानव सेवा आश्रमका दिवेश गुप्ता, समाजिक अभियान्ता प्रकाश थारु, राजन श्रीवास्तव, प्रेस सेन्टर मधेश प्रदेशका अध्यक्ष निरज पिठाकाेटे मगर, समाजवादी प्रेस संगठन मधेश प्रदेशका अध्यक्ष मनाेज पटेल, पर्सा जिल्ला अध्यक्ष शम्भु कुमार सुमन, रोट्र्याक्ट क्लबका सल्लाहकार अलाेक रंजन कर्ण, हरिओम साह, प्रकाश कर्ण लगायतकाे उपस्थिती रहेकाे थियाे ।
