वीरगंज । निजी तथा आवासीय विद्यालय संगठन नेपाल (प्याब्सन) वीरगंजद्वारा सञ्चालित छात्रवृत्ति परीक्षा भाेली शनिबार हुने भएकाे छ । एसआर ग्यालेक्सी एकेडेमी वीरगञ्ज-१३ राधेमाईमा हुने परिक्षाकाे सम्पूर्ण तयारी पुरा भएकाे प्याब्सन वीरगंजका अध्यक्ष राहुल श्रीवास्तवले जानकारी दिए ।
उनका अनुसार परीक्षामा सहभागी विद्यार्थीहरू बिहान ९ बजे नै परीक्षा केन्द्रमा उपस्थित हुनुपर्ने छ । परीक्षा बिहान १० बजेबाट सुरु हुनेछ । परीक्षा दिन आउने सबै विद्यार्थीहरूले अनिवार्य रूपमा आफ्नो मूल प्रवेश पत्र (Original Admit Card) ल्याउनु पर्नेछ, अन्यथा परीक्षा दिन अनुमति नदिइने प्याब्सन वीरगंजले जारी गरेकाे सूचनामा उल्लेख गरिएको छ।
विद्यार्थी वा अभिभावकलाई थप जानकारी आवश्यक परेमा ९८१२२४४२२३, ९८२८१०१४३५, वा ९८०९१२०७०७ मा सम्पर्क गर्न सकिने बताइएको छ । पांच सय भन्दा बढी सहभागि हुन लागेका छात्रवृति परिक्षामा प्याब्सनले २८ जनालाई कक्षा ११ र १२ काे लागि पूर्ण छात्रवृती दिने घाेषणा गरेकाे छ ।
