ओमप्रकाश चाैधरी/
जिराभवानी । पर्सा जिल्लाको जिराभवानी गाउँपालिका–१ बलुवाटोलमा आइतबार राति भीषण आगलागी हुँदा तीनवटा घर पूर्ण रूपमा जलेर नष्ट भएका छन्।
स्थानीय शेषनाथ मुखिया बिनको घरमा लामखुट्टे धपाउन बालिएको धूपबाट राति करिब ११ बजे आगो सल्किएर आगलागी सुरु भएको थियो । उक्त आगोले शेषनाथसहित जितेन्द्र मुखिया बिन र सनोज मुखिया बिनका फुसका घरहरूमा समेत पूर्ण क्षति पु¥याएको प्रहरीले जनाएकाे छ।
महादेवपट्टी प्रहरी चौकीका असई अवधलाल साहका अनुसार आगलागीमा परेर घरमा रहेको अन्नपात, लत्ताकपडा, भाँडाकुँडा, गरगहना, र शेषनाथको किराना पसल समेत जलेर नष्ट भएको छ ।
स्थानीय बासिन्दाहरूको सक्रियता, नेपाल प्रहरी र सशस्त्र प्रहरीको सहयोगमा करिब राति १:३० बजे आगो नियन्त्रणमा ल्याइएको थियाे । आगलागीबाट मानवीय क्षति नभएको जनाइएको छ तर पीडित परिवारहरूलाई गम्भीर आर्थिक क्षति पुगेको छ ।
