सर्लाही । जिल्ला प्रहरी कार्यालय सर्लाहीले २०८२ सालको असार महिनाको महिनाको उत्कृष्ट प्रहरी (Police of the Month) को रूपमा प्रहरी नायब निरीक्षक (सई) सुभाष यादवलाई चयन गरेको छ।
इलाका प्रहरी कार्यालय कर्मैयाकाे इन्चार्ज सई यादव असार महिनामा लागू औषध, अबैध तस्करी र आपराधिक गतिविधि नियन्त्रणमा पु-याएको विशेष भूमिकाका लागि सम्मानित गरिएको हो ।
गत असार २२ गते उनले चेकजाँचको क्रममा भारतबाट परालकाे भुस लाेड रहेकाे ट्रकमा ल्याइएको १२ लाख ३० हजार बराबरको ८२० केजी काजुसहित ट्रक नियन्त्रणमा लिएर अनुसन्धानका लागि सम्बन्धित निकायमा बुझाएका थिए । साथै, उनले बालबालिकालाई भारत तस्करी हुनबाट जोगाउनेदेखि लिएर विभिन्न गम्भीर प्रकृतिका अपराध नियन्त्रणमा समेत महत्वपूर्ण योगदान दिएका थिए ।
उनको यस प्रशंसनीय कार्यलाई कदर गर्दै जिल्ला प्रहरी कार्यालय, सर्लाहीले उनलाई ‘महिनाको उत्कृष्ट प्रहरी’ घोषणा गरेको हो। जिल्ला प्रहरी कार्यालय सर्लाहीका प्रमुख प्रहरी उपरीक्षक योगेन्द्रकुमार खड्काले प्रमाणपत्र प्रदान गर्दै यादवको योगदानप्रति उच्च प्रशंसा व्यक्त गरेका हुन् ।
