वीरगंज । पर्साकाे जगरनाथपुर गाउँपालिकामा आइतबार पांच दिने पशुपालन तालिम सम्पन्न भएकाे छ । जगरनाथपुर गाउँपालिकाकाे सहयाेग र डेभलपमेन्ट समाज पर्साकाे आयाेजनामा राष्ट्रपति महिला उत्थान जिविकाेपार्जन सुधार कार्यक्रम अन्तरगत तालिम सम्पन्न भएकाे हाे ।
जगरनाथपुर गाउँपालिका वडा नं. ५ का वडाध्यक्ष बिहारी महताे नुनियाकाे अध्यक्षतामा भएकाे तालिम समापन समाराेहमा गाउँपालिका अध्यक्ष श्रीकान्त प्रसाद यादवले तालिमका सहभागिहरुलाई रु २६ हजारकाे दर चेक समेत वितरण गरे ।
अनुदान रकमकाे चेक वितरण गर्दै अध्यक्ष यादवले पाएकाे रकमबाट जिविकाेपार्जनकाे लागि ब्यवसाय गर्न महिलाहरुलाई आग्रह गरे । उनले तालिमबाट सिकेकाे कुरा व्यवहार लागु गर्न आग्रह गर्दै पाएकाे रकममा अरु घरबाट मिलाएर भएपनि पशुपालन गरेर आयआर्जन गर्नु पर्ने सुझाए ।
जिविकाेपार्जन सुधार कार्यक्रम अन्तरगत गाउँपालिकाका विभिन्न वडाका गरिब, दलित र विपन्न समुदायका २५ जना महिलालाई व्यवसाय गर्नकाे लागि अनुदान स्वरुप रु २६ हजारकाे चेक वितरण गरिएकाे प्रमुख प्रशासकीय अधिकृत सन्देश कुमार यादवले वताए ।
जगरनाथपुर ५ स्थित कृषि तथा पशुपन्छि सेवा केन्द्रकाे सभा हलमा भएकाे तालिममा प्रशिक्षक रामअयाेध्या पण्डित र जगरनाथपुर गाउँपालिकाकाे पशु शाखाका असहद आलम गद्दीले प्रशिक्षण दिएका थिए ।
