वीरगंज । आम जनता पार्टीले तल्लो तहमा काम गर्ने श्रेणीविहीन कर्मचारीहरुको अधिकार सुनिश्चित गर्न माग गर्दै संघीय संसदका सभामुख मार्फत सरकारलाई समर्पित मागपत्र सार्वजनिक गरेको छ।
केन्द्रीय प्रवक्ता चन्द्रकुमार साहद्वारा हस्ताक्षरित शपथ-पत्रमा हालैको निजामती सेवा विधेयकमा श्रेणीविहीन कर्मचारीको सेवा सुरक्षासँग सम्बन्धित प्रावधान समावेश नगरिएको भन्दै आपत्ति जनाइएको छ । पार्टीले यो विधेयक श्रमिकविरोधी रहेको र यसले संविधानको मौलिक हक तथा समान अवसरको सिद्धान्तलाई कुण्ठित गर्ने आरोप लगाएको छ ।
मागपत्रमा श्रेणीविहीन कर्मचारीको पूर्ण अधिकार सुनिश्चित गर्न विधेयकमा संशोधन गर्नुपर्ने, ५८ वर्षको उमेर हद हटाई ६० वर्ष कायम गर्नुपर्ने, कृषिआधारित मानकमा आधारित स्थायीकरण प्रक्रिया अवलम्बन गर्नुपर्ने, अतिरिक्त विशिष्ट सेवा नियमावली तर्जुमा गरी कार्यान्वयन गर्नुपर्ने, समानताको सिद्धान्त अनुसार न्यायपूर्ण व्यवस्थापन सुनिश्चित गर्न विधेयकमा संशोधन आवश्यक लगायतकाे उल्लेखित प्रमुख बुँदाहरु रहेका छन् ।
पार्टीले चेतावनी दिँदै भनेको छ कि विधेयकले श्रमिकको हित विपरीत व्यवस्था गरेमा आम जनता पार्टी जनअधिकार, न्याय र समानताको पक्षमा आवाज उठाउन सदैव तयार रहनेछ।
प्रवक्ता साहले विश्वास व्यक्त गर्दै भने, “हामी आशा गर्छौं कि संसदले श्रमिक हितमा न्यायोचित निर्णय लिनेछ।”
