ओमप्रकाश चाैधरी/
सेढवा । पर्साको जगरनाथपुर गाउँपालिकामा साेमबार सार्वजानिक सुनवाई कार्यक्रम सम्पन्न भएको छ । जगरनाथपुर गाउँपालिकाकाे आयोजना तथा मधेश खबर मल्टिमेडिया प्रा. लि बीरगंजका सहजीकरणमा कार्यक्रम सम्पन्न भएकाे हाे ।
गाउँपालिकाको अध्यक्ष श्रीकान्त प्रसाद यादवको अध्यक्षतामा वडा नं ३ स्थित बाबा बैद्यनाथ आधारभूत बिद्यालय गढैयाको परिसरमा कार्यक्रम भएकाे थियाे ।
कार्यक्रममा वाेल्दै गाउँपालिका अध्यक्ष यादवले चालू आर्थिक बर्ष २०८१/८२ सम्म पालिकाभित्र रहेका खेतीयोग्य जमिनको सतरी प्रतिशतमा बिद्युतीय तार र पोलको व्यवस्थापन गरिने वताए । जसबाट किसानहरुले न्यूनतम महशुल तिरी भूमिगत सिचाईबाट आधुनिक रुपमा कृषि कार्य गर्न सक्ने उनले बताए ।
यसका साथै पालिकाको सहयोगले किसानहरुलाई कृषि मोटर तथा उन्नत जातका बीऊ बिजन उपलब्ध गराउँदै आएको अध्यक्ष यादवले बताए । आम नागरिकहरुको स्वास्थ्य उच्च प्राथमिकतामा राखी हुन सक्ने बिभिन्न किसिम्मका दिर्धकालिन रोगबाट बच्न समयमै स्वास्थ्य परिक्षण, रगत परिक्षण लगायतका सेवा प्रवाह भइरहेको अध्यक्ष यादवले बताए ।
कार्यक्रममा उपाध्यक्ष बबिता सिंह क्षेत्रीले महिलाहरुको सशक्तीकरण तथा जीवन स्तर उकास्न बिभिन्न किसिम्म सिप तथा तालिमको आयोजना गरिने बताईन।
कार्यक्रममा प्रमुख प्रशासकीय अधिकृत सन्देश यादवले चालू आर्थिक बर्षको सम्पन्न भएका कार्यक्रमका बारेमा जानकारी गराएका थिए । साथै अगामी आर्थिक बर्ष २०८२/८३ सालका प्रशासनिक भवन निर्माण, सडक निर्माण, शैक्षिक योजना तथा बिभिन्न योजनाहरुको बारेमा जानकारी गराएका थिए ।
कार्यक्रममा सहभागी जिल्ला प्रहरी कार्यालय पर्साका प्रमुख प्रहरी उपरिक्षक गौतम मिश्रले समाजमा बिद्धमान बालबिवाह, बालशोषण, दाइजोप्रथा लगायतका कुरुति हटाउनका लागि आम नागरिक सचेत हुन आवश्यक रहेको र प्रहरीलाई सूचना प्रवाह गर्न आग्रह गरे ।
उनले लागू औषधको ओसार पसार नियन्त्रणका लागि तथा दुर्बयस्नीमा लागेका सन्ततिलाई समयमा निगरानी गर्न प्रहरीलाई सहयोग गर्न पनि आग्रह गरे । स्वदेशमा रासायनिक मलको हाहाकार भएका बेला भारतीय बजारबाट सिमित परिमाण मल ल्यायदा प्रहरीले दुख दिए, आफूलाई जानकारी गराउन आग्रह गर्दै त्यस्ता प्रहरीलाई कारवाही गर्ने प्रहरी उपरीक्षक मिश्रले बताए ।
त्यस्तै शस्त्र प्रहरी उपरीक्षक राधेश्याम धितालले सिमामा हुन सक्ने बिभिन्न किसिम्मका अपराधिक गतिबिधीहरुको जानकारी गराउन आग्रह गरे । यसका साथै समूदायमा हुन सक्ने बिपद सम्बन्धिका घटनाहरुको जानकारी गराउन आग्रह गराउँदै बिपद व्यवस्थापनका लागि सिमा क्षेत्रका हरेक वडाहरुमा जनशक्ति परिचालन गरिएको शस्त्र प्रहरी उपरीक्षक धितालले बताए ।
कार्यक्रममा वडाध्यक्ष लक्ष्मी साह, नेपाली कुशवाहा, सुभाष कुमार यादव, लेखा अधिकृत सन्देश कुशवाहा, शिक्षा अधिकृत अशोक सिंह, स्वास्थ्य शाखा अधिकृत परमेन्द्र साह लगायतका सहभागिता रहेका थिए ।
