वीरगंज । ब्रिटानिया नेपाल प्रालिले सामाजिक उत्तरदायित्व अन्तर्गत विद्यालयलाई सहयाेग गरेकाे छ । ब्रिटानियाले बाराको कलैया–१८, मोतिसरस्थित नेपाल राष्ट्रिय माध्यमिक विद्यालयमा प्लेइङ ग्रुप कक्षा कोठाको नवीकरण तथा नयाँ शौचालय निर्माण गरेकाे हाे ।
करिब ८ लाख रुपैयाँ लागतमा सम्पन्न भएको यो संरचना एक औपचारिक समारोहबीच विद्यालय व्यवस्थापन समितिलाई हस्तान्तरण गरिएको ब्रिटानियाले जनाएकाे छ । उक्त सहयोगी कार्य फ्याक्ट्री म्यानेजर सन्दीप बंसल र मानव संसाधन म्यानेजर बिनोद शाहको नेतृत्वमा तथा समन्वयकर्ता सञ्जय शाहको सक्रियतामा सम्पन्न भएको हो ।
ब्रिटानिया नेपालले यसअघि पनि विभिन्न सामाजिक कार्यहरूमा योगदान दिँदै आएको छ। संस्थाले भविष्यमा पनि शिक्षा, स्वास्थ्य र स्वच्छताजस्ता क्षेत्रमा निरन्तर सहकार्य र सहयोग गर्ने प्रतिबद्धता जनाएको छ ।
