वीरगंज । वीरगंज महानगरपालिका–२७ स्थित कुहडीमा आयोजित भव्य कार्यक्रममा एक सयभन्दा बढी युवाहरूले विभिन्न पार्टी परित्याग गर्दै जनमत पार्टीमा प्रवेश गरेका छन् । पार्टीका राष्ट्रिय उपाध्यक्ष तथा उद्योग, वाणिज्य तथा पर्यटन मन्त्री बसन्त कुशवाहाको प्रमुख आतिथ्यमा सम्पन्न कार्यक्रम सम्पन्न भएकाे हाे ।
वडा इकाई समिति अध्यक्ष बिराजु यादवको अध्यक्षतामा सम्पन्न कार्यक्रममा हरि यादव, धुपलाल महतो, सन्दीप यादव, बिटु यादव, बिरेन्द्र यादव, बिपिन यादव, विकास यादव, रन्जित यादव, मुना अन्सारी, अनिल पासवान, चन्देश्वर साह, असलम अन्सारी, जितेन्द्र मण्डल, जयकिशन पटेल लगायत सयभन्दा बढी व्यक्तिहरूले औपचारिक रूपमा जनमत पार्टीको सदस्यता ग्रहण गरेकाे जनमत पार्टी पर्साका अध्यक्ष ओमप्रकाश सर्राफले वताए ।
कार्यक्रममा जनमत पार्टीका केन्द्रीय सदस्य तथा पर्सा जिल्ला अध्यक्ष ओमप्रकाश सरार्फ, केन्द्रीय सदस्य विद्यालाल प्रसाद, रम्भा मिश्र, नजमा खातुन, राजेश चौरसिया, महानगर अध्यक्ष महादेव शर्मा, उपाध्यक्ष केदार पटेल, महानगर युवा अध्यक्ष संजय सिंह, राजुराज गिरी लगायत नेताहरूले सम्बोधन गर्दै जनमत पार्टी नै मधेशको समस्याको वास्तविक सम्बाहक र विकल्प भएको बताएका थिए।
उनीहरूले युवालाई राष्ट्र निर्माणमा अग्रसर गराउन पार्टीले लिएको नीतिगत स्पष्टता र जिम्मेवारीपूर्ण भूमिकाबारे समेत जानकारी गराएका थिए।
कार्यक्रममा प्रदेश सदस्य बृजेश्वर चौधरी, राजनारायण मिश्र, क्षेत्रीय संयोजक गगनदेव यादव, डा. मनोज सरार्फ, देवराज सरार्फ, महिला जिल्ला संयोजक अञ्जना गुप्ता, दलित जिल्ला संयोजक नरेश राम, धिरेन्द्र पन्जियार, महानगर सचिव लोकेश कर्ण, सिकेन्द्र राम, हिरालाल राम, विद्यार्थी नेता अभिषेक झा, अनिता राम लगायतको उपस्थिति रहेको थियो।
जनमत पार्टीको स्थानीयस्तरमा बढ्दो लोकप्रियता र संगठन विस्तारले आगामी राजनीतिक समीकरणमा निर्णायक भूमिका खेल्ने अपेक्षा गरिएको छ।
