वीरगञ्ज । नबिल बैंक लिमिटेडले आफ्नो संस्थागत सामाजिक उत्तरदायित्व (CSR) अन्तर्गत वीरगञ्ज महानगरपालिका वडा नं. ४ स्थित त्रिजुद्ध महावीर प्रसाद रघुवीर राम प्राविधिक माध्यमिक विद्यालयलाई १० थान विद्युत पंखा हस्तान्तरण गरेको छ।
विद्यालयका कक्षा कोठाहरूमा सहज र प्रभावकारी अध्ययन वातावरण सिर्जना गर्ने उद्देश्यले प्रदान गरिएका ती पंखाहरू विद्यालयका उप–प्रधानाध्यापक बिनोद कुमार स्वर्णकारलाई मधेश प्रदेश प्रमुख सुलभ कुमार श्रेष्ठले एक औपचारिक कार्यक्रमबीच हस्तान्तरण गर्नुभयो।
सो अवसरमा वडा नं. ४ का वडा अध्यक्ष श्री जगत साह कानु प्रमुख अतिथिका रूपमा सहभागी हुनुहुन्थ्यो। साथै, नबिल बैंककाऋण असुली विभाग, मधेश प्रदेशका ईन्चार्ज सन्तोष साह, मधेश प्रदेश क्लस्टर कार्यालयका सञ्जीव पाण्डे र वीरगंज शाखाका प्रबन्धक विशेष दैबग्यको पनि उपस्थिति रहेको थियो।
विद्यालय प्रशासनले नबिल बैंकको सहयोगलाई अत्यन्त सराहना गर्दै हार्दिक आभार व्यक्त गरेको छ। बैंकले शिक्षा, स्वास्थ्य, वातावरण संरक्षण र वित्तीय पहुँच विस्तारमा निरन्तर योगदान दिँदै आएको छ।
