वीरगंज । जगरनाथपुर गाउँपालिका अध्यक्ष श्रीकान्त प्रसाद यादवले पालिकाभित्रका २८ वटा विद्यालयमा अध्ययनरत प्रथम, द्वितीय र तृतीय स्थान प्राप्त गरेका विद्यार्थीहरूलाई विद्यालय पोशाक वितरण गरेका छन् ।
- Advertisement -
शिक्षालाई प्राथमिकतामा राख्दै प्रेरणादायी वातावरण सिर्जना गर्ने उद्देश्यले कार्यक्रम सम्पन्न गरिएको अध्यक्ष यादवले जानकारी दिएका छन्। उनले भने, “विद्यार्थीहरूमा अझ लगनशीलता र आत्मविश्वास बढाउने विश्वासका साथ यस्तो कार्यक्रम अघि बढाइएको हो। उत्कृष्ट विद्यार्थीहरू देशको उज्यालो भविष्य हुन्, त्यसैले यस्ता प्रोत्साहनात्मक कार्यक्रमलाई निरन्तरता दिइनेछ।”
विद्यालय परिसरमा आयोजित कार्यक्रममा अध्यक्ष यादवसहित पालिकाका पदाधिकारी, विद्यालयका शिक्षक तथा अभिभावकहरूको उपस्थिति रहेको थियो। कार्यक्रममा विद्यार्थीहरूले पोशाक प्राप्त गर्दा खुशी व्यक्त गरेका थिए।
