वीरगंज । उच्च अदालत जनकपुर अस्थायी इजलास वीरगंजमा सुरक्षात्मक फेरबदल गरिएको छ। बिहीबार नेकपा बहुमतका नेताहरूले न्यायाधीशद्वव खुशीराम थारू र अर्जुन महर्जनमाथि मोसो प्रहार गरेपछि अदालतमा कार्यरत १३ जना न्यायाधीशहरूको अंगरक्षकहरु (पिएसओ) फेर्ने निर्णय गरिएको हो।
पर्साका प्रहरी नायब उपरीक्षक (डीएसपी) किशोर लम्सालका अनुसार ती सबै न्यायाधीशका पिएसओहरू फिर्ता बोलाइएका छन्। साथै, अदालतको सुरक्षामा खटिएका प्रहरी सहायक निरीक्षकको कमान्डअन्तर्गत कार्यरत १० जना प्रहरीलाई समेत फिर्ता बोलाइएको छ।
डीएसपी लम्सालले नयाँ पिएसओहरू पठाइसकिएको जानकारी दिए । साथै, अदालतको नियमित सुरक्षाका लागि यसअघि खटिएका १० जनाको सट्टा अब १५ जना नयाँ प्रहरी सुरक्षार्थ पठाइएको छ।
घटनापछि अदालत परिसरको सुरक्षा सतर्कता बढाइएको छ भने सम्बन्धित घटनामा संलग्नहरूविरुद्ध अनुसन्धान अघि बढाइएको प्रहरीले जनाएको छ ।
इट्टा भट्टमा मान्छेलाई जिउँदै जलाएर हत्या गरेको कसूरमा जन्मकैदको सजाय पाएका नेपााली कांग्रेसका नेता तथा पूर्वमन्त्री अफताब आलमलाई सफाई दिने उच्च अदालत अस्थायी इजलास वीरगंजका न्यायधिशद्वय थारु र महर्जनमाथि बिहिबार नेकपा बहुमतद्वारा कालोमोसो प्रहार गरिएको थियाे ।
