वीरगंज । नेकपा (एकीकृत समाजवादी) पर्सा जिल्ला सचिवालय बैठक शनिबार वीरगंज सम्पन्न भएको छ । पार्टीका जिल्ला अध्यक्ष बालगोपाल थापाको अध्यक्षतामा सम्पन्न बैठकले सचिवालय सदस्यहरूलाई विभिन्न विभागको जिम्मेवारी तोकेको छ।
बैठकमा आर्थिक विभागको जिम्मेवारी पार्टी अध्यक्ष थापाले आफैं सम्हाल्ने निर्णय भएको छ । संगठन विभाग प्रमुखको जिम्मेवारी जिल्ला सचिव गंगा खड्कालाई दिइएको छ भने विद्यार्थी विभागको नेतृत्व मनोज पटेलले सम्हाल्ने भएका छन्। साथै, पर्साका विभिन्न स्थानीय पालिकाहरूको इन्चार्जहरू समेत तोकिएको छ।
यसैगरी प्रचार विभाग प्रमुखको जिम्मेवारी समाजवादी प्रेस संगठन नेपाल सम्हाल्ने गरी रेबिन्द्र कार्कीलाई दिइएको छ भने वीरगंज महानगरपालिकाको इन्चार्जको जिम्मेवारी मंजुर आलमलाई दिइएको छ।
बैठकमा पार्टीका केन्द्रीय सदस्य रामचन्द्र साह, केन्द्रीय सदस्य तथा पर्सा सह-इन्चार्ज मनोज चौधरी, लेखा आयोगका सदस्य किशोरी कुशवाहा, प्रदेश समिती सदस्य सुबदार यादाव लगायतको उपस्थिति रहेको थियो।
अध्यक्ष थापाले पदाधिकारीहरुलाई जिम्मेवारीको आधारमा आगामी सचिवालय बैठकमा प्रगति विवरण प्रस्तुत गर्न निर्देशन समेत दिएका छन्।
