वीरगंज । पर्साकाे विन्दवासिनी गाउँपालिका वडा नं १ गर्दौलमा स्वास्थ्य चौकी भवनको शिलान्यास गरिएको छ ।
जनता समाजवादी पार्टीका युवा नेता गौरीशङ्कर साहले आफ्नो हकभोगमा रहेको एक कट्ठा ऐलानी जग्गा अस्पताललाई हक हस्तान्तरण गरेपछि सोही जग्गामा भवन शिलान्यास गरिएको हो ।
भवन शिलान्यास एक कार्यक्रमका बिच जग्गा दता समेत रहेका नेता साहले गरेका थिए ।
केन्द्रीय सरकारको ३९ लाख रुपैयाँ अनुदान सहयोगमा स्वास्थ्य चौकी निर्माण हुन लागेको गाउँपालिकाका प्रमुख प्रशासकिय अधिकृत मुन्ना कुमार राैनियारले वताए । उपभोक्ता समितिमार्फत जनश्रमदानसमेत गरेर निर्माण गरिने भवन दुई महीनाभित्र सम्पन्न हुने उनले जनाए ।
उपभोक्ता समितिका अध्यक्ष उमेश प्रसाद साहको अध्यक्षतामा भएको शिलान्यास कार्यक्रममा विन्दवासिनी गाउँपालिकाका अध्यक्ष श्रीलाल साह कानु, वडाध्यक्ष महम्मद सागिर मियाँ, स्थानिय अगुवा अच्छेलाल मेहता लगायतको उपस्थिती रहेकाे थियो ।
