वीरगंज । पर्साकाे पकहा मैनपुर गाउँपालिकाकाे वडा नं. २ मधुबनीमा आज दुई पक्ष बिच झडप हुदा ९ जना घाइते भएका छन् ।
पानी निकासकाे बिषयमा स्थानिय दिलिप साह र रामाकान्त साह पक्ष बिच भएकाे झडपमा दुबै पक्ष गरी ९ जना घाइते भएकाे प्रहरीले जनाएकाे छ । घाइते हुनेमा दिलिप पक्षकाे उनी सहित उनका भाउजाे लालमुनी देवी, भाई घनश्यम साह, संजय साह र अशाेक साह गरी ५ जना रहेकाे प्रहरी चाैकी धाेरेका असई लक्ष्मी नारायण सिंहले वताए ।
यस्तै घाइते हुनेमा रामाकान्त पक्षका उनी सहित उनकी श्रीमती मदन देवी, छाेरा माेहन साह र छाेरी अनिता देवी रहेकाे असई सिंहले वताए । दिलिप पक्षका घाइतेहरुकाे उपचारकाे लागि वीरगंज स्थित गण्डक हस्पिटलमा र रामाकान्त पक्षका घाइतेहरुकाे उपचारकाे लागि एल एस न्यूराे हस्पिटलमा पठाएकाे असई सिंहले जानकारी दिए ।
घाइते मध्ये रामाकन्तकाे अवस्था चिन्ताजनक रहेकाे अस्पतालले जनाएकाे छ । अरु घाइतेकाे अवस्था कसैकाे टाउकाे फुटेकाे छ भने कसैकाे समान्य चाेटपटक लागेकाे वताइएकाे छ ।
स्थानियहरुका अनुसार दिलिप दाईभाईले ३/४ दिन देखी रामाकान्तकाे घर अगाडी सार्बजनिक जग्गामा माेटाे राखेका रहेछन् । त्यही माटाेले गर्दा रामाकान्तकाे घरकाे पानी बग्न समस्या भए पछि उनी दिलिप दाजुभाईहरुसंग पानीकाे निकासकाे लागि माटाे हटाई दिन भन्न जादा दुबै पक्ष बिच विवाद भई झडप भएकाे हाे ।
