वीरगंज । वीरगंज कारागारमा महिला कैदी बन्दीकाे सिप विकासकाे लागि एक महिने ब्युटिसियन तालिम संचालनमा आएकाे छ ।
वीरगंज कारागारमा रहेका कैदीबन्दीहरुको लागि सीप बिकास मार्फत स्वरोजगार प्रवर्द्वनमा सहयोग पुर्याउन उद्देश्यले घरेलु तथा साना उद्योग कार्यलयको सहयोगमा महिला कैदी बन्दीहरुका लागि ब्युटिशियन आइतबार देखी ब्युटिसियन तालिम संचालनमा ल्याइएकाे कारागार प्रमुख श्रवण कुमार पाेखरेलले वताउनु भयाे ।
१५ जना कैदी महिलाहरुकाे सहभागि रहेकाे तालिम एक महिना सम्म संचालन हुने प्रमुख पाेखरेल जानकारी गराउनु भयाे । कारागार कार्यालय पर्साकाे आग्रहमा घरेलु तथा साना उद्याेग कार्यालयकाे सहयाेगमा सुरु भएकाे तालिममा प्रशिक्षक विना दहालले प्रशिक्षण दिइरहनु भएकाे छ ।
