वीरगंज । संघिय सांसद प्रदिप यादवले पर्सा क्षेत्र नं. १ को वीरगंज महानगरपालिकाकाे वडा नं. २१ पटेल नगरमा छठघाटको शिलन्यास गरेका छन् ।
पर्सा क्षेत्र नं.१ बाट निर्वाचित सांसद यादवले साेमबार एक कार्यक्रमका बिच विधिवत पूजापाठ गरि छठघाटकाे शिलन्यास गरेका हुन । स्थानीय पूर्वाधार विकास साझेदारी कार्यक्रम अन्तर्गत सांसद यादवको संसदीय कोषबाट रु १० लाखको लागतमा छठ घाट निर्माण हुने छ ।
शिलन्यास कार्यक्रममा बोल्दै सांसद यादवले मधेशी समुदायको साथसाथै पछिल्लो समय गैर मधेशीहरुले पनि छठ पूजाप्रतिको आस्था र विश्वासप्रति भावुक हुँदै छठपूजा गरेकोले समाजका अन्य धर्मावल्मबीहरुलाई एकताबद्ध राख्न पनि यसको निकै ठुलो महत्व रहेको बताए ।
खास गरि मधेशी समुदायहरुमा परम्परादेखी नै छठपूजााप्रतिको आस्था र विश्वास अटल रहेको बताउँदै उनले विभिन्न समुदायले सामूहिक रुपमा गरिने छठपर्वको संरक्षण र संवर्द्धन गर्न आवश्यक रहेको बताए । समाजमा रहेका विभिन्न विकृति, विसंगतिलाई अन्त्य गर्न सबै समुदाय एकजुट भई विकास निर्माणको कार्यमा अगाडी बढ्नु पर्ने सांसद यादवले सुझाव दिए ।
कार्यक्रममा वडा न .२२ का अध्यक्ष ग्यसुदीन मिया, समाजवादी पार्टीका क्षेत्रीय सचिव राधाकिशन रौनियार, नगर उपाध्य्क्ष सेख रुस्तम, वडा न.२१ का एकाई अध्यक्ष निरन्जन पटेल, नगर सदस्य भोज महतो, जवाहिर महतो, कृष्ण कुशवाहा, सर्वन पटेल, रञ्जन पटेल लगायत युवाहरुको बाक्लो उपस्थिति रहेको थियो ।
