वीरगंज । नेपाल कम्युनिष्ट पार्टी (नेकपा) पर्साका जिल्ला कमिटी सदस्य माेहन साह कानुकाे आज अन्त्येष्टि गरिएकाे छ । पर्साको कालिकामाई गाउँपालिका वडा नं. २ भेडिहारी निवासी कानुको गाउँ कै आर्य घाटमा सनातन धर्म अनुसार अन्त्येष्टि गरिएकाे हाे ।
कानुका जेठाे छाेरा कृष्णा साह कानुले बुवालाई दागबती दिएका थिए भने अन्त्येष्टिमा सयाैंकाे सहभागिता रहेकाे थियाे ।
त्यस अघि कानुकाे पार्थिव शरिरमा पार्टीकाे झन्डा ओढाएर नेताहरुले अन्तिम विदाई गरेका थिए । नेकपा केन्द्रिय सदस्य एवं पर्सा इन्चार्ज रामचन्द्र साह, प्रदेश कमिटी सदस्य छोटेलाल यादव, योगेन्द्र साह, जिल्ला कमिटी सदस्य बलिराम साह, गाउँपालिका संयाेजक शम्भु पाल, पूर्व सांसद फुलझरी देवीले संयुक्त रुपमा कानुकाे पार्थिव शरिरमा पार्टीकाे झन्डा ओढाएर श्रद्धान्जली अर्पण गर्दै अन्तिम विदाई गरेका थिए ।
कानु प्रति श्रद्धान्जली अर्पण गर्दै नेताहरुले पार्टीले एउटा कुशल र इमन्दार नेता गुमाएकाे वताए । कानुकाे निधनले पार्टी पंक्तीमा अपूर्णिय क्षती पुगेकाे अन्त्येष्टिमा सहभागि नेकपा पर्सा जिल्ला कमिटी सदस्य प्रभाकर गुप्ताले वताए ।
६० बर्षिय कानुकाे फाल्गुन २८ गते बुधबार बिहान असमायिक निधन भएकाे थियाे ।
विहान ५:३० बजे मर्निङ्ग वालकमा निस्केेेका कानु गाउँ बाहिरको खेतमा लडेर अचेत भएका थिए । एक घण्टा पछि घरमा उनी नफर्के पछि खोजतलाश गर्दा कानु गाउँ बाहिर रहेको खेतमा फेला परेका थिए ।
अचेत अवस्थामा फेला परेको उनलाई एम्बुलेन्स मार्फत वीरगंज हेल्थ केयरमा लग्दा अस्पतालले मृत घोषण गरेको थियाे ।
माओबादी पृष्ठभुमिका नेता कानु हर्ट राेगका बिरामी थिए । कानु कालिकामाई गाउँपालिका वडा नं. २ भेडिहारी स्थित रहेको श्री रामजानकी प्राबिका संस्थापक अध्यक्ष थिए भने हाल पनि विद्यालय ब्यस्थापन समिती अध्यक्ष रहेका थिए ।
उनकाे असमायिक निधनले गाउँ नै शाेकमा डुबेकाे छ ।
