वीरगंज । नेपाल कम्युनिस्ट पार्टी (नेकपा) पर्साका जिल्ला कमिटी सदस्य मोहन साह कानुको निधन भएको छ । कालिकामाई गाउँपालिका वडा नं. २ भेडिहारी निवासी ६० वर्षिय कानुको बुधबार विहान ६ बजे असमायिक निधन भएको हो ।
विहान ५:३० बजे मोर्निङ्ग वालकमा निस्केेेका कानु गाउँ बाहिरको खेतमा लडेर अचेत भएका थिए । एक घण्टा पछि घरमा उनी नफर्के पछि खोजतलाश गर्दा कानु गाउँ बाहिर रहेको खेतमा फेला परेका थिए ।
अचेत अवस्थामा फेला परेको उनलाई एम्बुलेन्स मार्फत वीरगंज हेल्थ केयरमा लग्दा अस्पतालले मृत घोषण गरेको उनको आफन्तजनले जनाएका छन् ।
माओबादी पृष्ठभुमिका नेता कानु हार्डको बिरामी थिए । कानु कालिकामाई गाउँपालिका वडा नं. २ भेडिहारी स्थित रहेको श्री रामजानकी प्राबिका विद्यालय ब्यस्थापन समिती अध्यक्ष समेत रहेका थिए । उनको निधनले नेकपा कालिकामाईमा ठूलो क्षति पुगेको नेकपाका नेताहरुले वताएका छन् ।
उनको अन्त्येष्टि भोलि बिहीवार विहान निजि निवास भेडिहारीको आर्य घाटमा गरिने वताईएको छ । उनका दुइटा छोरा भारतमा भएकाले आउन समय लाग्ने भएकाले बिहिबार अन्त्येष्टि गरिने आफनतजनले जनाएका छन् ।
