Date
आइत, मंसिर ६, २०८३
Sun, November 22, 2026

प्रदेश–२ मा भ्रष्टचारी र गुण्डाको जंगलराज : सिके राउत

spot_img
spot_img

वीरगन्ज : जनमत पार्टीका केन्द्रीय अध्यक्ष डाक्टर सिके राउतले प्रदेश–२ मा भ्रष्टचारी र गुण्डाको जंगलराज रहेको आरोप लगाएका छन् ।

वीरगन्जमा मंगलबार जनमत पार्टीले आयोजना गरेको विशाल आमसभालाई सम्बोधन गर्दै राउतले यस्तो बताएका हुन् ।  ‘मधेसमा अहिले भ्रष्टचारी, तस्कर र गुण्डाको जंगलराज चलिरहेको छ’, उनले भने, ‘त्यही जंगलराज र गुण्डाराजलाई समाप्त पारेर जनताको राज ल्याउन जनमत पार्टी जन्मिएको हो ।’

समाजवादी पार्टी र राजपाले भ्रष्टचारी, तस्कर, गुण्डालाई संरक्षण दिएर मधेसमा लुटतन्त्र मच्चाइरहेको आरोप उनको छ ।
मधेसी जनताको रंगत र बलिदानीमा टेकेर मधेसी जनताकै भोट लिएर सत्तामा पुगेका समाजवादी र राजपाले अहिले सत्तामा पुगेपछि मधेसी जनतामाथि शोषण र दमन गरिहेको राउतले बताए ।

मेचीदेखि महाकालीसम्मको २२ जिल्लाको धोती प्रदेश मधेसलाई यी दुई दलले सत्ताको स्वार्थमा टुक्रयाएर ८ जिल्लाको लङगौटी प्रदेश बनाएको राउतले बताए ।

समाजवादी पार्टीका अध्यक्ष उपेन्द्र यादव स्वास्थ्यमन्त्री रहेका बेला उनको कार्यकालमा मन्त्रालयको ५६ अर्ब बजेटमध्ये २२ अर्बको भ्रष्टचार भएको लेखा परीक्षणको रिपोर्टले नै पुष्टि गरिसकेको भन्दै राउतले भने,‘उपेन्द्र र उनको पार्टीले भ्रष्टचारी, तस्कर बलात्कारी नेताको संरक्षण गर्दै आइरहेको छ ।’

मधेस आन्दोलन ताकामा मधेसी जनता मितेरी पुलमा नाकाबान्दी गरेर बसेका बेला मधेसी दलका नेताले नाकाबाट तस्करी गराएर अकुत सम्पति जोडेको आरोप पनि राउतले लगाए ।

कांग्रेस, कम्युनिस्ट र मधेसी दललाई म्याद गुज्रिसकेको (डेट एक्स्पायर) पार्टीको संज्ञा दिँदै राउतले अब मधेस र मधेसीलाई दमन, शोषण र विभेदबाट मुक्ति दिलाउने एक मात्र विकल्प जनमत पार्टी नै रहेको जिकिर गरे ।

आमसभालाई सम्बोधन गर्दै जनमत पार्टीका केन्द्रीय सदस्य अब्दुल खनाले समाजवादी र राजपा आतंकवादी र बलात्कारीको  पार्टी भएको आरोप लगाए।

यी दुई दलले अहिलेसम्म आतंकवादी, बलात्कारी, भ्रष्टाचारी र तस्कर नेता मात्रै उत्पादन गर्दै आएको आरोप लगाउदै उनले उपेन्द्र यादवलाई कंश मामाको संज्ञा दिए ।

‘मधेसीका कंश मामा उपेन्द्रजी अब सच्चिनुस् होइन भने तपाईंलाई तह लगाउन कृष्ण अवतारका रुपमा सिके राउत आइसकेका छन्’, उनले भने ।

यस अघि अध्यक्ष राउतले वीरगंज स्थित संचालनमा आए जिल्ला पार्टी कार्यालय पर्साकाे उद्घाटन गरेका थिए ।

केन्द्रिय सदस्य संजय कुमार साहकाे अध्यक्षतामा भएकाे कार्यक्रममा केन्द्रिय सदस्य अब्दुल खान, प्रशिक्षण विभाग प्रमुख संजय यादव लगायतकाले मन्तव्य राखेका थिए भने स्वागत मन्तव्य पर्सा जिल्ला इन्चार्ज सुजित चाैरसिया राखेका थिए ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

भारत भ्रमणबारे प्रधानमन्त्रीलाई प्रभु साहको सुझाव : भारतसंगको व्यापार घाटा र थाती विषय सुल्झाउनुहोस

विराटनगर । आम जनता पार्टीका अध्यक्ष तथा पूर्वमन्त्री प्रभु साहले प्रधानमन्त्री वालेन्द्र शाहको भारत भ्रमणका क्रममा दुई देशबीच लामो समयदेखि थाती रहेका सबै विषय...

छात्रामैत्री भलिबल प्रतियोगिताको उपाधि निचुटा माविलाई

वीरगंज । पर्साको पटेर्वा सुगौली गाउँपालिकामा आयोजित माध्यमिक विद्यालयस्तरीय छात्रामैत्री भलिबल प्रतियोगिताको उपाधि श्री नेपाल राष्ट्रिय माध्यमिक विद्यालय, निचुटाले जितेको छ। दिव्य विकास स्रोत केन्द्र,...

प्रगतिशील युवा क्लबको कार्यक्रममा ५१ जनाद्वारा रक्तदान

वीरगञ्ज । प्रगतिशील युवा क्लब वीरगञ्ज–१५, प्रतिमाचोकको आयोजनामा शनिबार सम्पन्न रक्तदान कार्यक्रममा ५१ जनाले रक्तदान गरेका छन्। क्लबको २६औँ वार्षिकोत्सवको अवसरमा आयोजित कार्यक्रममा युवाहरूले...