वीरगंज । थारु सम्बत् २६४४ र माघे संक्रान्ति बुधबार वीरगंजमा पनि धुमधामकाे साथ मनाइएकाे छ । “समृद्ध राष्ट्र तथा समृद्ध समाज निर्माणका लागि सम्पूर्ण थारु समुदाय एक जुट बनाैं” मुल नाराका साथ विभिन्न कार्यक्रमकाे आयाेजना गरी मनाइएकाे हाे ।
वीरगंजकाे आदर्शनगर स्थित रहेकाे स्वीमिङ पुलमा माघि (खिचडी) महाेत्सव आयाेजना गरिएकाे थियाे । माघी मूल समाराेह समिति पर्साकाे आयाेजनामा भएकाे एक दिने महाेत्सवमा थारु सांस्कृती झलक्ने घांटाे, सामाचकेवा, थारु पूर्वि नाच समेत प्रस्तुत गरिएकाे थियाे ।
माघी मूल समाराेह समितिकी संयाेजक विजया ओझैया र श्री अनुप दिप्नि मावि काेल्भी बाराका जग्गा दाता परिवारका विपिन विहारी चाैधरीकाे प्रमुख आतिथ्यतामा भएकाे महाेत्सव भएकाे थियाे ।
महाेत्सवमा स्थलमा घाेंङ्गी, कैकरा, माछा, परेवा, हाँस, कुखुरा, चिचर, लाइ, तिल आदी थारु विशेष परिकारकाे स्टल समेत राखिएकाे थियाे ।
महाेत्सव अघि थारु सांस्कृतिक दवावमुलक प्रभातफेरीकाे समेत निकालिएकाे थियाे ।
