वीरगंज । खिच्डी र माघे संक्रान्तिकाे अवसरमा बिरगंज महनगरपालिका वडा न.३१ को बेल्वामा मेला लागेकाे छ । ४ दिन सम्म लाग्ने मेलाकाे एक समारोहका बिच नेपाली कांग्रेसका पुर्व सांसद अनिल रुङ्टाले उदघाटन गरेका छन् ।
मेलाले महानगरको दुर्गम वडाको रुपमा रहेको बेल्वा वडालाई बिकशित हुन मदत पुग्ने कार्यक्रमका प्रमुख अतिथी समेत रहेका पुर्व सांसद रुङटाले शुभकामना ब्यक्त गरे । कार्यक्रमका विशिष्ट अतिथि नेपाली कांग्रेसका नेता रामनारायण कुर्मीले मेलामा सबैको सहभागिता रहेको हुदा हाट बजारले सबैलाई फाइदा पुर्याउने वताए ।
युवा नेता तथा समजिक अभियन्ता दिलिप राज कार्कीले बेलवामा सुरु हुने हाट बजारले युवा रोजगार र युवा ब्यसायीको लागि राम्रो मौका हुने र यहाको उपभाेक्तालाई सहज र सरल बजारको सुबिधा मिल्ने बिश्वास ब्यक्त गरे ।
बेलवामा हरेक हफ्ताको शनिवार र मंगलवार गरी दुइ दिन हाट बजार लागाउने उदेश्यले लागेकाे मेला आयाेजना गरिएकाे मेला आयेजक समितिका अध्यक्ष मनोज साहले वताए । उक्त वडाका वडाध्यक्ष चुमन चौधरी र स्थानिय अगुवा नवल किशोर झाको सकृयताले लागेको मेलामा सवै पार्टीका अगुवा र वडाका स्थानियले हामी हाम्रो वाडको प्रगतिमा जुटेर लाग्ने प्रतिबधता जाहेर गरे ।
समाजवादी पार्टीका अगुवा सुलेमन हुसैनले सबै छिमेकीहरुलाई ४ दिन सम्म लाग्ने मेलामा घुम्न आउन निम्तो समेत गरे । मेलामा मनोरञ्जनको ब्यवस्थाका साथै संस्कृति कार्यक्रम हुने र शनिवार बृहत कुस्तीको पनि आयोजना हुने वडाध्यक्ष चौधरीले बताए ।
