वीरगंज । पत्निको हत्या गरी फरार पर्साको कालिकामाई गाउँपालिका वडा नं. ५ सेमरा टोल निवासी बर्ष ३५ का मुक्तिनारायण पटेल पक्राउ परेका छन । पटेलले घास काटने धारिलो हतियार (गडासी) ले पत्नि संगिता देवीको शुक्रबार साझ हत्या गरी फरार भएका थिए ।
फरार पटेल गाउँ वाहिर रहेको उंखु बारीमा लुकेको अवस्थामा शनिबार विहान स्थानियको सहयोमा प्रहरीले पक्राउ परेको इलाका प्रहरी कार्यालय पोखरियाका प्रहरी निरिक्षक चन्द्र सिंहले वताए । पत्निको हत्या गरी पटेल भागेर गाउँ वाहिर रहेको उँखु बारीमा लुकेको प्रहरीले थाह पाए लगतै उंखु बारी शुक्रबार सांझ देखी नै घेरा हालेको थियो ।
शनिबार विहान स्थानियहरुले उँखु बारीमा पसी खोज तलाश गर्दा पटेल पक्राउ परेका हुन । कालिकामाई गाउँपालिकाको वडा नं. ५ सेमरा टोल स्थित ससुरालीमा बस्दै आएका पटेल ससुराली कै घरमा शुक्रबार अन्दाजी सांझ ५ः३० बजे श्रीमती संगिताको हत्या गरी फरार भएका थिए ।
पटेको स्थानिय घर सेमरा नजिकै रहेको कालिकामाई गाउँपालिकाको वडा नं. ३ हरिहरपुर रहेको वताइएको छ । पटेल वैदेशिक रोजगारबाट एक महिना पहिला मात्र घर फर्केका थिए । घरायसी विवादका कारण पटेलले आक्रोशमा आएर पत्निको हत्या गरेको हुनसक्ने स्थानियहरुको भनाई छ ।
