वीरगन्ज । पर्साका ५ वटा गाउँपालिकाको गाउँ सभा अझै हुन सकेको छैन । असार मसान्त भित्र गरि सक्नु पर्ने गाउँ सभा कालिकामाई, धोबिनी, पकहा मैनपुर, सखुवा प्रसौनी र बिन्दवासिनी गाउँपालिकाको गाउँ सभा अझै हुन नसकेको हो ।
नयाँ आर्थिक बर्ष सुरु भए पनि गाउँ सभा नहुदा आ.व. २०७६/०७७ को निति, कार्यक्रम तथा बजेट आउन सकेको छैन । समय मै निति, कार्यक्रम तथा बजेट नआउदा बिकास निर्माणको काम सुरु हुनमा ढिलाई हुने गाउँ कार्यपालिका कार्यालयहरुले जनाएका छन । संघिय मामिला तथा समान्य प्रशासन मन्त्रालयले असार १० गते भित्र सबै स्थानिय तहरुले गाउँ तथा नगर सभा गरि सक्नु पर्ने पत्रचार गरेको थियो ।
समय मै गाउँ सभा नगरे संघको सरकारको अनुदानको रकम नपठाउने मन्त्रालयले चेतनावनी समेत दिएको थियो । तर पनि यी ५ वटा गाउँपालिकाहरुले जनप्रतिनिधि विचको विवादका कारण गाउँ सभा गर्न सकेका छैनन् । जनप्रतिनिधिहरु बिच बजेट भागबन्डा कुरा नमिल्दा गाउँ सभा हुन नसकेको स्वयंम् जनप्रतिनिधिहरु नै स्वीकारने गरेका छन ।
विगत बर्ष झै यस बर्ष पनि आ आफ्नो भाग बढी योजना र बजेट पार्न जनप्रतिनिधिहरु अडान लिएका कारण गाउँ सभामा ढिलाई भएको हो ।
असार मसान्त भित्र वीरगंज महानगरपालिका, पोखरिया, बहुदरमाई, पर्सागढी नगरपालिका, पटेर्वा सुगौली, जिराभवानी, ठोरी, छिपहरमाई, जगरनाथपुर गाउँपालिकाले मात्र गाउँ तथा नगर सभा गर्न सकेका हुन ।
