वीरगन्ज । पर्सामा भाईले हानेको गोली लागेर दाईको मृत्यु भएको छ । जिराभवानी गाउँपालिका १ बलुवामा भाइले हानेको गोली लागेर घाइते भएका ४८ वर्षीय शेख फारुकको शुक्रबार बिहान मृत्यु भएको हो । शेखलाई उनका कान्छा भाई ३८ वर्षीय शेख फारुक सेराजुद्धिनले बिहिबार सांझ नलकटुवा पेस्टोलबाट गोली हानेका थिए ।
गोलीले दाहिने पाखुरा छेडेर गम्भीर घाइते भएका शेखको शुक्रबार बिहान मृत्यु भएको हो । गोली लागे लगत्तै उनलाई वीरगन्जको नारायणी अस्पतालमा भर्ना गरिएको थियो । त्यहा उपचार सम्भव नभएपछि नेशनल मेडिकल कलेजमा पुर्याइएको थियो । त्यहाँ पनि उपचार असम्भव नदेखिएपछि काठमाडौं लाने क्रममा शुक्रबार बिहान ७ बजे उनको निधन भएको हो ।
गोली हान्ने भाई सेराजुद्धिनलाई प्रहरीले नियन्त्रणमा लिएको छ । पेस्तोल र गोलीसहित पक्राउ परेका सेराजुद्धिन जिल्ला प्रहरी कार्यालय पर्साको हिरासतमा रहेका छन् । गोलि हान्नने सेराजुद्धिनलाई स्थानीय बासी र प्रहरीको सहयोगमा नलकटुवा पेस्तोल र सो मा लाग्ने चार राउन्ड गोलि सहित पक्राउ गरि जिल्ला प्रहरी कार्यालय पर्सामा बुझाइएको ईलाका प्रहरी कार्यालय सेढवाका प्रहरी नायब निरीक्षक राजेश प्रसाद चौधरीले वताए ।
आफ्नो श्रीमती सङ अनैतिक सम्बन्ध राखेको कारण आफुले दाईलाई गोलि हानेको सेराजुद्धिनले वताएका छन । स्थानियले सेराजुद्धिनलाई प्रहरीलाई बुझाउने क्रममा उनले दाईले आफ्नो श्रीमती संग अनैतिक सम्बन्ध राखेकाले गोली हानेको वताएका थिए । घटना बारे थप अनुसन्धान भइरहेको प्रहरी नायब उपरीक्षक अनन्तराम शर्माले जानकारी दिए ।
