वीरगंज, २ बैशाख ।
प्रदेश २ सरकारले जुडशितलको अवसरमा आज सार्वजनिक विदा दिएको छ । आन्तरिक मामिला तथा कानुन मन्त्री ज्ञानेन्द्र यादवेले प्रेस विज्ञप्ति जारी गर्दै जुडशितलको अवसरमा वैशाख २ गते सोमबार प्रदेश २ सरकारले सार्वजनिक विदा दिने निर्णय गरेको जानकारी गराएका थिए ।
मिथिलाञ्चलमा नयाँ वर्षलाई स्वागत गर्ने जुडशितल पर्व मनाउने गरेका कारण प्रदेश सरकारले सार्वजनिक विदा दिएको हो ।
यता प्रदेश सरकारले सार्वजनिक विदा दिएको दिन वीरगंज लगायतका बैंक तथा वित्तिय संस्थाहरु खुल्दै आए पनि आज बन्द भएका छन । एकासी बैंकहरु बन्द भए पछि सेवाग्राहीहरु मर्कामा परेका छन ।
दुई दिन पछि आज बैंकहरु खुल्ने आसामा टाढा टाढाबाट वीरगंज लगायतको बैंकहरुमा पुगेका सेवाग्रहीहरुलाई सास्ती भएको छ । यस्तै खुल्दै आएका संघ सरकार मातहतका जिल्ला प्रशासन कार्याल लगायतका सम्पूर्ण कार्यालयहरु पनि वन्द भएका छन ।
