वीरगंज, २९ चैत ।
वार्षीक परिक्षको नतिजा आए लगतै पर्साका पुस्तक व्यवसायी चिन्तीत देखिएका छन् । निजि स्कुलमा वर्ष पिछे नायाँ पुस्तक परिवर्तन गरे सँगै पुस्तकको सुचि समयमा उपल्बध नभएको प्रति पुस्तक व्यवसायी चिन्तीत भएका हुन् ।
नेपाल पुस्तक तथा स्टेशनरी व्यवसायी महासंघ जिल्ला समिति पर्साले शुक्रबार नेपाल पत्रकार महासंघको सभाहलमा पत्रकार समेलनको आयोजना गरी प्यापसन, एन प्यापसनलाई नयाँ शैक्षिक पाठय पुस्तकहरुको शुचि समयमा उपल्बध गराउन पत्र पठाएको भए पनि हाल सम्म कुनै जबाब नआएको आरोप लगाएका छन ।
विद्यार्थी तथा अभिभावकलाई वर्ष पिछे नयाँ पाठय पुस्तक कमीशनको खेलमा परिवर्तन गरी दुःख दिने गरेको पुस्तक व्यावसायीका सल्लाहकार जटाशंकर यादवले बताए ।
उनले भने दुई दिन पछि नयाँ वर्षको अगामन सँगै निजि विद्यालयले नयाँ शैक्षिक सत्र सुरु हुदै छ तर कुनै पुस्तक पसलमा नयाँ पाठ्य पुस्तकको नमायवली सुचि बिद्यालयहरुले उपल्बध गराएका छैनन् । उपलब्ध गराउन आग्रह गर्दा पनि नदिएको उनको आरोप थियो ।
