वीरगंज, २७ चैत ।
बहुदरमाई नगरपालिकाले एक जना एम.बि.बि.एस. अध्ययनरत विद्यार्थीलाई सहयोग गरेको छ । नगरपालिकाले वडा नं. ८, रामनगरी निवासी हिरालाल रामको छोरा मुक्ति रामलाई ३ लाख ३९ हजार सहयोग गरेको हो ।
- Advertisement -
एक कार्यक्रमका बिच नगर प्रमुख नितेन्द्र साहले गरिब र दलित परिवारका मुक्तिलाई रु ३ लाख ९० हजार बराबरको चेक हस्तान्तरण गर्नु भयो । एम.बि.बि.एस. अध्ययनको लागि छात्रवृति पाएका उनलाई होस्टल र खाना खर्च वापतको रकम नगरपालिकाबाट सहयोग गरिएको प्रमुख साहले वताउनु भयो ।
वडा नं. ८ का अध्यक्ष पुनिलाल साहको अध्यक्षतामा भएको कार्यक्रममा यनिसेफका बृजकिशोर पटेल, सामाजिक संस्था जिल्ला समन्वय समितिका इब्राहिम देवान, लेखापाल हरिन्द्र साह, पत्रकार छठु साह, नगरपालिकाका लेखापाल हरि पटेल लगायतकाले शुभकामना मन्तव्य राखेका थिए ।
