वीरगंज, २७ चैत्र ।
पर्साको सखुवा प्रसौनी गाउँपालिकामा कुष्टरोग निवारण कार्यक्रम अन्तर्गत १ दिने अभिमुखिरण कार्यक्रम सम्पन्न भएको छ । सखुवा प्रसौनी गाउँपालिकाको स्वस्थ्य शाखाको आयोजनामा स्वास्थ्यकर्मीहरुको लागि १ दिने अभिमुखिकरण कार्यक्रम सम्पन्न भएको हो ।
गाउँपालिकाको कार्यालयमा भएको कार्यक्रममा बोल्दै गाउपालिका अध्यक्ष प्रदिप जयसवालले गाउँपालिकामा रहेको ६ वटा वडाबाट नै कुष्टरोग निवारण गर्ने प्रतिबद्धता गर्नु भयो ।
प्रत्येक वडाबाट सहभागी रहेका स्वस्थ्यकर्मीहरुलाई निर्देशन गर्दै अध्यक्ष जयसवालले आ आफ्ना स्वस्थ्य केन्द्रमा जनतामुखी सेवा प्रदान गर्ने कुरामा अडिग रहन आहवान गर्नु भयो । कार्यक्रमको सहजिकरण क्षयरोग अधिकृत शम्भु यादव र स्वस्थ्य संयोजक राजेश रौनियारले गर्नु भएको थियो ।
