वीरगंज, २७ चैत ।
पर्साको सखुवाप्रसौनी गाउँपालिकाको वडा नम्बर १, देहरीमा बिष्णु महायज्ञ शुरु भएको छ । महायज्ञको प्रथम बुधबार कलशयात्रा निकाली विधिगत सुरु भएको हो ।
कलशयात्रा देहरीबाट शुरु भई सथवल, औराहा, कोन्हिया, कोइलाभारमा गई जल भरिएको थियो । ४ सय कुवारी कन्या सहितको कलशयात्रा संगै बाजागाजा, ट्रेक्टर, जिप, सहित पुन दोहरीको यज्ञस्थलमा आई स्थानियहरुको सहयोगमा निमार्ण भएको मंदिरमा मुर्ती पनि स्थापना गरिएको छ ।
गाउँपालिका अध्यक्ष प्रदिप जयसवालले सो मंदिरमा आफनो ब्यक्तिगत लगानीमा राम, सिता, लक्ष्मण र हनुमान भगवानको मुर्ती स्थापन गर्नु भएको हो । तामाको रहेको ४ वटा मुर्तीको ८० हजार मुल्य रहेको अध्यक्ष जयसवालले बताउनु भयो । अध्यक्ष जयसवालले आफनो ब्यक्ति रकमबाट ४ सय कुवारी कन्याहरुलाई जुस पनि खुवाउनु भएको थियो ।
बिष्णु महायज्ञको कलश यात्रामा पुर्ब मन्त्रि समेत रहेका नेपाली कांग्रेसका नेता सुरेन्द्र चौधरीको बिशेष उपस्थिती रहेको थियो । महायज्ञ बैशाख २ गते सम्म चल्ने आयोजकले जनाएको छ ।
