वीरगंज, २६ चैत ।
सर्वोच्च अदालतको निर्णय विरुद्ध आज वीरगंजमा प्रदर्शन भएको छ । सर्वोच्चले जन्मसिद्ध नागरिकका सन्तानलाई वंशजको नागरिकता दिन गृह मन्त्रालयको परिपत्रलाई कार्यान्वयन नगर्न जारी गरेको आदेशको विरोध गर्दै प्रदर्शन भएको हो । सतारुढ दल संघीय समाजवादी फोरम नेपाल वीरगंजको घण्टाघरमा सर्वोच्चको परिपत्र जलाउनुको साथै प्रदर्शन गरेको छ ।
फोरमको वीरगंज महानगर कमीटीले सर्वोच्च अदालतको निर्णय मधेश विरोधी भएको भन्दै सर्वोच्चले जारी गरेको आदेश पत्रको निर्णय प्रति जलाउनुको साथै प्रदर्शन समेत गरेको हो । महानगर अध्यक्ष इश्वर यादवको नेतृत्वमा रहेको एक समुहले सर्वोच्च अदालतको निर्णय तत्काल सच्याउन माग गर्दै नारावाजी समेत गरेका थिए ।
विरोध प्रदर्शन कार्यक्रममा कार्यपालिका सदस्य अजय साह सोनार, वडा अध्यक्ष तुफान फारुक विद्यार्थी नेताहरु सुजित गिरी, आजाज बाबु राकी, सफरोज अहमद, मनोज यादव लगायतकाको सहभागिता रहेको थियो ।
