वीरगंज, २३ चैत ।
संघिय मामिला तथा सामान्य प्रशासन मन्त्री लालबाबु पण्डितले शनिबार हावाहुरी प्रभावित वीरगंज महानगरपालिकाको वडा नं. १८, सौराहामा राहत वितरण गरेका छन । मन्त्री पण्डितले आइतबार आएको भिषण हावाहुरी प्रभावित सौराहका ४० परिवालाई त्रिपाल र खाद्यय सामग्री राहत वितरण गरेका हुन ।
वीरगंज पुगेका मन्त्री पण्डितले आफै प्रभावित क्षेत्रमा पुगी प्रति परिवार एक थान पाल र ३० किलोग्राम भएको चामल एक बोराका दरले वितरण गरेका हुन । राहत वितरण गर्दै मन्त्री पण्डितले हावाहुरी प्रभावित सबैको घर बर्षायाम भन्दा पहिला नै बन्ने दाबी गरे । घर निर्माणको जिम्मा नेपाली सेनालाई दिइएकोले समय मै घर बन्ने मन्त्री मण्डितको भनाई थियो ।
राहत वितरण कार्यक्रममा नेकपाका नेता नागेन्द्र चौधरी, रामचन्द्र साह, विचारी यादव, प्रदेश सांसद ओमप्रकाश शर्मा, वीरगंज उधोग वाणिज्य संघका उपाध्यक्ष शुबोध गुप्ता लगायतकाको पनि सहभागिता रहेको थियो ।
