वीरगंज, २० चैत्र ।
हावाहुरीबाट प्रभावित बाराका पिडितहरुलाई मधेशी एसोसिएसन ईन अमेरिका (मा) ले राहत वितरण गरेको छ । फेटागाउँपालिकाको भलुवही, भरवलिया, पुरैनिया र प्रसौनी गाउँपालिकाको खटुवा लगयातको प्रभावित क्षेत्रमा ‘मा’ को टोलिले सोमबार देखि राहत वितरण गरेको हो । हावाहुरी पिडितहरुलाई खाद्यान्न सामग्री वितरण गरिएको भिजिट मधेस नेपालका राष्ट्रिय संयोजक ओमप्रकाश सर्राफले वताए ।
संयोजक सर्राफको नेतृत्वमा गएको टोलिले शोमबार देखि बाराका विभिन्न प्रभाती क्षेत्रहरुमा पुगेर घरदैलो गर्दै लगभग ८ सय परिवारलाई राहत तथा खाद्यान्न सामग्री वितरण गरेको हो । भिजिट मधेस नेपालले ‘मा’ द्वारा संचालित राहत वितरणमा स्वयंसेवकको रुपमा सहयोग गरिरहेको छ ।
‘मा’ ले उपलब्ध गराएको सहयोगबाट तत्काल आवश्यक पर्ने राहत र खाद्यान्न सामाग्री लिएर हामि बारा जिल्लाका प्रभावित क्षेत्रहरुमा हिजो देखि नै खट्दै छौं, वरिष्ठ उपाध्यक्ष सतेन्द्र साहले भने, ‘हाल सम्म हामीले बाराको भलुवही, भरवलिया, पुरैनिया, खटुवा लगयातको प्रभावित क्षेत्रका लगभग ८ सय परिवारलाई तत्काल आवश्यक पर्ने राहत सामाग्री उपलब्ध गराएका छौं ।’ साहले मधेसलाई आवशयकता परेको बेला ‘मा’ हरपल सहयोग गर्न तैयार रहेको बताए ।
त्यसैगरि ‘मा’ का प्रवक्ता प्रमोद (राज) सर्राफले हाल सम्म ‘मा’ ले ४ लाख भन्दा पनि बढि रकमको त्रिपाल, सुत्ने म्याट, झुल, बाल्टिन, खाद्यान्न लगयातको राहत सामाग्री उपलब्ध गराई सकेको जानकारी गराए । उनले राहत वितरण कार्यलाई अहिले केहि दिन अझै निरन्तरता दिने बताएका छन् । सर्राफले आश्यकता अनुसार ’मा’ले स्वास्थ्य सिविर संचालन र पुनर्निर्माणमा समेत सहयोग गर्ने प्रतिबद्धता व्यक्त गरे ।
‘हामि नेपालमा आएको समस्यालाई समाधान गर्न तत्पर छौं, सर्राफले भने, ‘अहिले तत्कालको जरुरतलाई मध्यनगर गर्दै सहयोग उपलब्ध गराएका छौं, थप आवश्यकता परे हामि तैयार छौं, स्वास्थ्य सिविर संचालन होस् या पुनर्निर्माण ‘मा’ सहयोग गर्न उप्लबल्ध हुन्छ ।’
‘मा’का नेपाल प्रेस सल्लाहकार तथा वरिष्ठ पत्रकार अनुराज अनन्त, भिजिट मधेसका स्वयंसेवक पकज पटेल, मुन्ना सर्राफ, रवि गुप्ता, स्वास्थ्यकर्मी अनिश कुशवाह, धिरेन्द्र जैश्वाल, विनोद साह, दिपु बरनवाल, नितेश बरनवाल, श्याम सर्राफ, जय साहलगयातको टोलिले राहत वितरणमा गर्नुको साथै प्रभावित क्षेत्रमा श्रमदान पनि गर्दै आएको छ ।
